| രഘു: | കോളജിൽ ഞാൻ നിങ്ങളെ ആദ്യമായി കാണുന്നു. |
| ശിവൻ: | അതെ, ഞാൻ ഇന്നാണ് ജോയിൻ ചെയ്തത്. എന്റെ പേര് ശിവൻ എന്നാണ്. നിങ്ങളുടെ പേര് എന്താ? |
| രഘു: | ഞാൻ രഘു. ഏത് വിഷയം പഠിക്കുന്നു? |
| ശിവൻ: | ഞാൻ ചരിത്രം പഠിക്കുന്നു. എന്റെ അച്ഛനും അമ്മയും ചരിത്രകാരന്മാരാണ്. |
| രഘു: | കൊള്ളാമല്ലോ. കുടുംബത്തിൽ ആരൊക്കെ ഉണ്ട്? |
| ശിവൻ: | മാതാപിതാക്കളെ കൂടാതെ അനിയത്തിയും അനിയനും വീട്ടിലുണ്ട്. പിന്നെ ചേച്ചി കൊച്ചിയിൽ ജോലി ചെയ്യുന്നു. |
| രഘു: | വലിയ ഒരു കുടുംബമാണാല്ലോ! |
| ശിവൻ: | ശരിയാണ് ! നിങ്ങളുടെ വീട്ടിലാരൊക്കെയുണ്ട് ? |
| രഘു: | എന്റെ വീട്ടിൽ ഞാനും അമ്മയും ഉണ്ട്. അച്ഛൻ അഞ്ച് വർഷം മുമ്പ് മരിച്ചു പോയി. എനിക്കൊരു ചേട്ടനും ഉണ്ട്. അദ്ദേഹം ദുബൈയിൽ താമസിക്കുന്നു. |
| ശിവൻ: | അതേയോ, ഞാൻ ദുബൈയിൽ പോയിട്ടില്ല. |
| രഘു: | ഓ, നല്ല സ്ഥലമാണ് ദുബൈ. ഞാൻ എല്ലാ വർഷവും ചേട്ടനെ കാണാൻ ദുബൈയിൽ പോകാറുണ്ട്. |
| ശിവൻ: | ഓ അതു കൊള്ളാം. എനിക്ക് ക്ലാസ്സിൽ പോകാൻ സമയമായി. നമുക്ക് വീണ്ടും കാണാം. |
| രഘു: | അപ്പോൾ ശരി, നമുക്കു വീണ്ടും കാണാം. ബൈ. |
| വീട്ടിൽ | |
| സുമി: | അമ്മേ, എനിക്ക് അസുഖം ഉണ്ട്. |
| അമ്മ: | എന്തു പറ്റി? |
| സുമി: | അറിയില്ല, തലവേദനയുണ്ട്. പനിയും ഉണ്ടെന്ന് തോന്നുന്നു. |
| അമ്മ: | അയ്യോ, ഞാൻ ഇപ്പോൾ തന്നെ നിന്റെ ചൂട് നോക്കട്ടെ. |
| സുമി: | ശരി. |
| അമ്മ: | പനി ഉണ്ടല്ലോ. ഡോക്ടറെ കാണിക്കണം. |
| ഡോക്ടറിന്റെ മുറിയിൽ |
|
| ഡോക്ടർ: | നമസ്കാരം, എന്താണ് അസുഖം? |
| സുമി: | നമസ്കാരം ഡോക്ടർ. എനിക്ക് പനിയും തലവേദനയുമുണ്ട്. |
| ഡോക്ടർ: | ഇതെല്ലാം എപ്പോഴായിരുന്നു തുടങ്ങിയത്? |
| സുമി: | ഇന്നലെ രാത്രിയിൽ തുടങ്ങി. |
| ഡോക്ടർ: | മറ്റെന്തെങ്കിലും അസുഖം തോന്നുന്നുണ്ടോ? |
| സുമി: | വേറൊന്നും തോന്നുന്നില്ല. പനിയും തലവേദനയും മാത്രം. |
| ഡോക്ടർ: | മനസ്സിലായി. മരുന്നുകടയിൽ പോയിട്ട് ഈ ഔഷധം വാങ്ങണം. ഇതു കഴിക്കുമ്പോൾ പനിയും തലവേദനയും കുറയും. രണ്ട് ദിവസത്തിന് ശേഷം ഭേദം ആയില്ലെങ്കിൽ എന്നെ തിരിച്ചുവിളിച്ചാൽ മതി. വേറെ ഒരു മരുന്നു നോക്കാം. |
| സുമി: | ശരി ഡോക്ട്ടർ. ആശുപത്രിയിൽ തന്നെ മരുന്നുകടയുണ്ടോ? |
| ഡോക്ടർ: | അതെ, ഉണ്ട്. ഗ്രൗണ്ട് ഫ്ലോറിൽ പോയിട്ട് എക്സിറ്റിന്റെ അടുത്താണ്. |
| സുമി: | താങ്ക് യൂ, ഡോക്ടർ. നമസ്കാരം. |
| ഡോക്ടർ: | നമസ്കാരം. |
| അഹ്മദ്: | അയ്യോ, ഇന്ന് ഭയങ്കര മഴ പെയ്യുകയാണ്! കൊടിയ ഇടിമിന്നലും ഉണ്ട്! |
| അർജുൻ: | അത് ശരിയാണല്ലോ. എന്റെ നാട്ടിൽ ഇത്ര മഴ ഒരിക്കലും പെയ്യില്ല. ഇങ്ങനെയുള്ള ഇടിമിന്നലും സാധാരണയായി കാണാറില്ല. |
| അഹ്മദ്: | എവിടെയാണ് നിങ്ങളുടെ നാട്? |
| അർജുൻ: | ഞാൻ രാജസ്ഥാനിൽ നിന്നാണ്. |
| അഹ്മദ്: | ഓ, ഞാൻ പോയിട്ടില്ല പക്ഷെ അവിടെ ഭയങ്കര ചൂടുണ്ടെന്നാണ് കേട്ടിട്ടുള്ളത്. |
| അർജുൻ: | അതു ശരിയാ. ഇവിടുത്തെ ഇളംകാറ്റ് സുഖമുള്ളതാണല്ലോ. അവിടെ കാറ്റുണ്ടെങ്കിലും അസഹ്യമായ ചൂടാണ്. |
| അഹ്മദ്: | അയ്യോ, അതെനിക്ക് സഹിക്കാൻ സാധിക്കില്ലെന്ന് ഉറപ്പാണ്. |
| അർജുൻ: | അത് മനസ്സിലായി. പക്ഷെ ഒക്ടോബറിൽ പോകുന്നെങ്കിൽ നല്ല കലാവസ്ഥയാണ്. സുഖകരമായ വെയിലാണ്, ചൂട് അത്രയുമില്ല. |
| അഹ്മദ്: | അതു കോള്ളാം! ഞാൻ തീർച്ചയായും ആ സമയത്ത് പോകും. |
| അർജുൻ: | പോകുന്നതിനു മുമ്പ് എന്നോട് പറയണം. ഞാൻ സന്ദർശിക്കേണ്ട സ്ഥലങ്ങൾ ഏതൊക്കെ എന്ന് പറഞ്ഞുതരാം. |
| വീട്ടിൽ | |
| അച്ഛൻ: | ഞാൻ ചന്തയിൽ പോകുന്നു. നമ്മക്ക് ഈ ആഴ്ചത്തെ ഭക്ഷണത്തിന് എന്തൊക്കെ വേണം? |
| അമ്മ: | ഹംംംം, ഞാൻ ദോശയും പാലപ്പവും മീൻ കറിയും ഉണ്ടാക്കാമെന്ന് വിചാരിക്കുന്നു. അതിനുള്ള സാധനങ്ങൾ വേണം. നിങ്ങൾ ഏതെങ്കിലും ഉണ്ടാക്കുന്നുണ്ടോ? |
| അച്ഛൻ: | അതെ, മുട്ട ഫ്രൈ ഉണ്ടാക്കാമെന്നാണ് വിചാരിക്കുന്നത്. |
| അമ്മ: | എങ്കിൽ മുട്ടകളും വാങ്ങിച്ചോളൂ. |
| അച്ഛൻ: | ശരി. അതെല്ലാം കൊണ്ടുവരാം. നീനേ, നീ എന്റെ കൂടെ വരാമോ? |
| നീന: | ഓ ഞാൻ വരാം! എനിക്ക് ചന്തയിൽ പോകാൻ വളരെ ഇഷ്ടമാണ്. അവിടെ ഒരു കളിപ്പാട്ടം കിട്ടുമോ? |
| അച്ഛൻ: | ഹാഹാ. നോക്കാം കുഞ്ഞൂ, നോക്കാം! വാ, നമുക്ക് പോകാം. |
| ചന്തയിൽ | |
| കടക്കാരൻ: | കോഴി... മുട്ടാ... മട്ടൻ... |
| അച്ഛൻ: | ഒരു കിലോ കോഴിയിറച്ചിക്ക് എത്ര രൂപയാണ് ? |
| കടക്കാരൻ: | ഇരുനൂറ്റി അമ്പത് രൂപ. |
| അച്ഛൻ: | ശരി ഒരു കിലോ എടുത്തോ. പിന്നെ പന്ത്രണ്ട് മുട്ടകളും വേണം. |
| കടക്കാരൻ: | മുട്ടക്ക് നൂറ്റിയിരുപത് രൂപ. |
| അച്ഛൻ: | ഇവിടെ മീൻ കിട്ടുമോ? |
| കടക്കാരൻ: | മീനില്ല സർ. |
| അച്ഛൻ: | ഓ കഷ്ടം. എവിടെ കിട്ടുമെന്ന് അറിയാമോ? |
| കടക്കാരൻ: | ചന്തയുടെ പ്രധാന കവാടത്തിന്റെ അടുത്ത് രാജീവ് അന്റ് സൺസ് എന്ന വേറെ ഒരു കടയുണ്ട്. അവിടെ കിട്ടുമെന്ന് തോന്നുന്നു. |
| അച്ഛൻ: | ശരി, അവിടെ പോയി നോക്കാം. കോഴിയുടെയും മുട്ടയുടെയും വില എത്രയായി? |
| കടക്കാരൻ: | മുന്നൂറ്റിയെഴുപതു രൂപ. |
| അച്ഛൻ: | ഇതാ. |
| കടക്കാരൻ: | ശരി, പിന്നെ കാണാം. |
| വഴിയിൽ ടോയി ഷോപ്പിൽ പോയിട്ട് | |
| നീന: | അച്ഛാ, ഇതെന്റെ ഇഷ്ടപ്പെട്ട ഷോപ്പാണല്ലോ. |
| അച്ഛൻ: | ശരി, ഈ പണം കൊണ്ടുപോയിട്ട് നിന്റെ ഫേവറേറ്റ് ടോയി നോക്കി വാങ്ങണം. |
| നീന: | കൊള്ളാമല്ലോ! ശരി അച്ഛാ! |
| അർചന: | ക്ലാസ്സിനു ശേഷം മഞ്ജുള എന്ത് ചെയ്യും? |
| മഞ്ജുള: | ഞാൻ പാർക്കിൽ പന്തുകളി കളിക്കാൻ പോകുന്നു. |
| അർചന: | അതെയോ, റ്റീമിലാണോ കളിക്കാറുള്ളത് ? |
| മഞ്ജുള: | അതെ, എല്ലാ വീക്കെന്റിലും ഞങ്ങൾക്ക് മാട്ച് (match) ഉണ്ട്. നിനക്ക് ഏതൊക്കെ കളികൾ ഇഷ്ടമാണ് ? |
| അർചന: | ഞാൻ എല്ലാ ദിവസവും ബാസ്കെറ്റ് ബാൾ (basketball) കളിക്കാൻ ശ്രമിക്കാറുണ്ട്. എനിക്ക് ക്രികറ്റും വളരെ ഇഷ്ടമാണ് പക്ഷെ നന്നായി കളിക്കാൻ പറ്റില്ല. |
| മഞ്ജുള: | എന്റെ ചേട്ടൻ നന്നായി ക്രികറ്റ് കളിക്കും. ക്രിക്കറ്റ് കളിക്കുന്ന അവനെ ചിലപ്പോൾ കാണാൻ വേണമെങ്കിൽ പറയണം. നമ്മൾ ഒന്നിച്ച് ഒരു മാട്ചിന് (match) പോകാം. |
| അർചന: | അതടിപോളി. ക്രികറ്റ് കാണുന്നത് ഇഷ്ടപ്പെടുന്നു. |
